"Barselona" futbolçusunu Şotlandiya klubuna icarəyə verib

İspaniyanın "Barselona" klubunun müdafiəçisi Aleks Valle Şotlandiya təmsilçisi "Seltik"ə icarəyə verilib.

"Report" "BBC Sport"a istinadən xəbər verir ki, 20 yaşlı futbolçu ilə 1 mövsümlük müqavilə bağlanıb.

Qeyd edək ki, A.Valle "Barselona"nın yetirməsidir. O, cari mövsümdə əsas komandanın ilk iki matçında ehtiyat oyunçular skamyasında yer alıb.