“Barselona” 27-ci dəfə İspaniya çempionu olub

İspaniya La Liqasında 2022/23 mövsümünün qalibi müəyyənləşib.

"Report" xəbər verir ki, "Barselona" 34-cü turda səfərdə "Espanyol"u məğlub edərək (4:2) vaxtından əvvəl çempionluğunu rəsmiləşdirib.

Xallarını 85-ə çatdıran "Barselona" sona 4 tur qalmış ən yaxın izləyicisi "Real Madrid"i 14 xal üstələyir.

Qeyd edək ki, bu, "Barselona"nın 27-ci İspaniya çempionluğu olub.