Azərbaycanlı hakim-inspektor Ermənistan millisinin oyununa təyinat alıb

Beynəlxalq dərəcəli hakim-inspektor Elçin Səmədli növbəti dəfə təyinat alıb.

"Report" AFFA-nın rəsmi saytına istinadən xəbər verir ki, o, qadınlardan ibarət komandalar arasında futzal üzrə Avropa çempionatının seçmə mərhələsində B qrupunun oyunlarında iştirak edəcək.

Bu qrupda Niderland, Moldova, Bosniya və Herseqovina və Ermənistan milli komandaları mübarizə aparacaq.

Oyunlar avqustun 16-dan 19-dək Moldovada təşkil olunacaq.