Azərbaycanın yeniyetmə cüdoçuları dünya çempionatını dörd medalla başa vurublar

Azərbaycanın yeniyetmə cüdoçuları Perunun paytaxtı Limada keçirilən dünya çempionatını dörd medalla başa vurublar.

"Report"un məlumatına görə, son olaraq tatamiyə çıxan Sübhan Axundov (+90 kq) ilk görüşündə məğlub olub.

Daha əvvəl Nihad Məmişov (55 kq) və Cəsur İbadlı (73 kq) dünya çempionu olublar. Məhəmmədəli Hüsiyev (50 kq) və Mehdi Abbasov (81 kq) bürünc medal qazanıblar.

Azərbaycan millisi medal sıralamasında yalnız Yaponiyadan (2 qızıl, 1 gümüş) geri qalaraq ikinci olub.