Azərbaycanın iki komandası Türkiyədə ilk oyunlarına çıxacaq

Bu gün "Sumqayıt" və "Sabah" komandaları Türkiyənin Antalya bölgəsindəki təlim-məşq toplanışında ilk yoxlama oyununu keçirəcəklər.

"Report" xəbər verir ki, "gənclik şəhəri" təmsilçisi Polşanın “Yagelloniya” klubu ilə üz-üzə gələcək. Qarşılaşma Bakı vaxtı ilə saat 12:00-da start götürəcək.

"Sabah" isə Macarıstan "Pakş"ı ilə görüşəcək. Matç Bakı vaxtı ilə saat 17:30-da başlayacaq.

Qeyd edək ki, "Sabah" yanvarın 24-də Serbiyanın “Mladost”la (Luçani) klubu ilə oynayacaq. Paytaxt təmsilçisinin hazırlıq prosesindəki 1, "Sumqayıt"ın isə digər 2 rəqibi dəqiqləşməyib.