Azərbaycanın çimərlik futbolu üzrə millisi 9-12-ci yerlər uğrunda mübarizə aparacaq

Çimərlik futbolu üzrə Azərbaycan milli komandası Ümumdünya Çimərlik oyunlarının (ANOC World Beach Games) Avropa zonası üzrə seçmə mərhələsində növbəti oyununu keçirəcək.

"Report" AFFA-nın saytına istinadən xəbər verir ki, yığma 9-12-ci yerlər uğrunda qarşılaşmada Norveçlə üz-üzə gələcək.

1 sentyabrda keçiriləcək oyun Bakı vaxtı ilə saat 18:15-də başlayacaq.

Qeyd edək ki, Azərbaycan millisi İtaliyanın Katanya şəhərində keçirilən matçlarda qrupda İsveçrəyə 4:7 və Ukraynaya 4:5 hesabı ilə uduzaraq 2023-cü il 5-12 avqustda İndoneziyanın Bali əyalətində keçiriləcək Ümumdünya Çimərlik Oyunlarına vəsiqə qazana bilməyib.