Azərbaycan - Xorvatiya: Hakimlər açıqlanıb

Azərbaycan və Xorvatiyanın 21 yaşadək futbolçulardan ibarət milli komandaları arasında Avropa çempionatının seçmə mərhələ oyununa hakim təyinatları açıqlanıb.

"Report"un məlumatına görə, qarşılaşmanı Çexiyadan olan hakimlər briqadası idarə edəcək.

Görüşün referisi Andrey Berkaya laysmanlar İvo Nadvornik və Matey Vltsek köməklik göstərəcəklər. Dördüncü hakim funksiyasını isə Pavel Orel yerinə yetirəcək.

Qeyd edək ki, oktyabrın 12-də Sumqayıtdakı "Kapital Bank Arena"da oynanılacaq Azərbaycan - Xorvatiya matçı saat 20:30-da başlayacaq.