Azərbaycan Premyer Liqasının XIV turunda iki oyunun keçirilmə vaxtı dəyişdirilib

Bakı. 12 dekabr. REPORT.AZ/ Futbol üzrə Azərbaycan Premyer Liqasının XIV turunun iki oyununun keçirilmə vaxtı dəyişdirilib.

"Report"un Peşəkar Futbol Liqasının rəsmi saytına istinadən verdiyi məlumata görə, "Sumqayıt" - "Zirə" və "Neftçi" - AZAL görüşü nəzərdə tutulduğundan bir gün sonraya - dekabrın 17-nə keçirilib.

Dəyişiklik "Sumqayıt", "Zirə", "Neftçi" və AZAL klublarının PFL-ə müraciətindən sonra qeydə alınıb. Adları qeyd olunan klublar Azərbaycan Kubokunun 1/4 final mərhələsinin ilk oyunları ilə Premyer Liqanın XIV turunun görüşləri arasında vaxtın az olduğunu əsas gətirib.

Nəticədə XIV turun bütün görüşləri eyni gündə - dekabrın 17-də reallaşacaq.