Azərbaycan Premyer Liqasının oyunu koronavirusa görə təxirə salındı

Azərbaycan Premyer Liqasında X turunun “Sabah” – “Səbail” oyunu bu gün baş tutmayacaq.

"Report"un Peşəkar Futbol Liqasının (PFL) rəsmi saytına istinadən məlumatına görə, səbəb kimi bəzi futbolçuların yenidən COVID-19 testindən keçəcəyi göstərilib.

Oyunun yeni tarixi ilə bağlı əlavə məlumat PFL-in rəsmi saytında yerləşdiriləcək.

Qeyd edək ki, ötən tur "Sabah" - "Zirə" (0:1) oyunu da eyni səbəbdən vaxtında gerçəkləşməyib.