Azərbaycan Premyer Liqası: Daha iki oyun keçiriləcək

Azərbaycan Premyer Liqasının II turunda bu gün daha iki oyun keçiriləcək.

"Report" xəbər verir ki, əvvəlcə "Araz-Naxçıvan" "Liv Bona Dea Arena"da "Şamaxını qəbul edəcək.

Saat 18:45-də başlayacaq qarşılaşmanı Fərid Hacıyev idarə edəcək.

Günün son matçı "ASCO Arena"da "Səbail" və "Neftçi" klubları arasında oynanılacaq. Saat 21:00-da başlayacaq görüşü Kamal Umudlu idarə edəcək.

İlk turda "Araz-Naxçıvan" "Qarabağa" 1:4 hesabı ilə məğlub olmuşdu. "Şamaxı" - "Sabah" matçında 2:2 bərabərlik qeydə alınmışdı. "Səbail" 1:4 hesabı ilə "Zirə"yə yenilmişdisə, "Neftçi" - "Turan Tovuz" görüşündə qol vurulmamışdı.

Azərbaycan Premyer Liqası

II tur

18:45. “Araz Naxçıvan” – “Şamaxı”

Hakimlər: Fərid Hacıyev, Zohrab Abbasov, Eyyub İbrahimov, Kamranbəy Rəhimov.

VAR: Cavid Cəlilov.

AVAR: Rəhman İmami.

Hakim-inspektor: İmanxan Sultani.

AFFA nümayəndəsi: İlham Əliyev.

Mərdəkan, "Liv Bona Dea Arena".

21:00. “Səbail” – “Neftçi”

Hakimlər: Kamal Umudlu, Vüsal Məmmədov, Kamran Bayramov, Kamran Əliyev.

VAR: Nicat İsmayıllı.

AVAR: Cəmil Quliyev.

Hakim-inspektor: Ceyhun Haşımov.

AFFA nümayəndəsi: Nəriman Axundov.

ASCO Arena.

Qeyd edək ki, II tura avqustun 11-də yekun vurulacaq.