Azərbaycan millisinin sabiq futbolçusu Türkiyədə komandasını dəyişib

19 yaşadək futbolçulardan ibarət Azərbaycan millisinin sabiq yarımmüdafiəçisi Yusuf Oral Türkiyədə komandasını dəyişib.

“Report”un məlumatına görə, 20 yaşlı oyunçu aşağı liqa komandasında çıxış edəcək.

O, “Anadolu Universiteti” ilə anlaşıb. Futbolçu yeni komandası ilə 1 illik müqavilə imzalayıb.

Qeyd edək ki, “Adana Demirspor”un yetirməsi olan Yusuf Oral “Fənərbağça” və “Beşiktaş”ın da aşağı yaş qrupu komandalarında çıxış edib. O, 2021-ci ildə Azərbaycanın U-19 yığmasında 6 oyun keçirib.