Azərbaycan millisinin futbolçusu Bolqarıstan klubunda debüt edib

Azərbaycan millisinin futbolçusu Cəlal Hüseynov Bolqarıstanın "Arda" klubunda debüt edib.

"Report"un məlumatına görə, 20 yaşlı müdafiəçi "Maritsa"ya qarşı yoldaşlıq matçında meydana çıxıb.

Hüseynov görüşə start heyətdə başlayıb. Qarşılaşma "Arda"nın 3:1 hesablı qələbəsi ilə bitib.

Qeyd edək ki, Cəlal Hüseynov Bolqarıstan təmsilçisi ilə 3 illik müqavilə imzalayıb.