Azərbaycan millisi Belçikada məşqə çıxıb

Azərbaycan millisi səfərdə Belçikaya qarşı keçirəcəyi AVRO-2024-ün seçmə mərhələ oyunundan əvvəl son məşqinə çıxıb.

"Report"un "Etopaz"ın dəstəyi ilə Brüsselə ezam olunan əməkdaşı xəbər verir ki, hazırlıq "Stade Edmond Machtens" stadionunda baş tutub.

Məşqin ilk 15 dəqiqəsi media üçün açıq olub.

Qeyd edək ki, noyabrın 19-da Brüsseldəki “Kinq Baudouin” stadionunda keçiriləcək Belçika – Azərbaycan oyunu Bakı vaxtı ilə saat 21:00-da başlayacaq. Meydan sahibləri F qrupunda 17 xalla ikincidir. Komandamız isə 7 xalla 4-cü sırada qərarlaşıb.