Azərbaycan millisi Rumıniyanı məğlub edib

Çimərlik futbolu üzrə Azərbaycan millisi Portuqaliyanın Figueira şəhərində təşkil olunan Avropa Super Finalında (European Beach Soccer League) növbəti oyununu keçirib. 

"Report" AFFA-nın saytına istinadən xəbər verir ki, Rumıniya yığması ilə qarşılaşan komanda 2:1 hesabı ilə qələbə qazanıb. Yığmanın qollarını Sabir Allahquliyev və Amid Nəzərov vurub.

Qeyd edək ki, Azərbaycan millisi sabah Çexiya ilə qarşılaşacaq. Komanda ilk görüşdə Estoniyaya məğlub olub - 3:4.