Azərbaycan klubu daha bir transferini açıqlayıb - YENİLƏNİB

"Araz-Naxçıvan” növbəti futbolçu transferini reallaşdırıb.

Klubdan "Report"a verilən məlumata görə, Naxçıvan təmsilçisi braziliyalı Vanderson Kavalkante Melo ilə anlaşıb.

29 yaşlı dayaq yarımmüdafiəçisi ilə 1 mövsümlük müqavilə imzalanıb.

Qeyd edək ki, Vanderson Kavalkante Melo son olaraq Ukraynada "Çernomorets"də çıxış edib.

Yeni mövsümün hazırlığını Bakıda həyata keçirən “Araz-Naxçıvan” heyətini legioner futbolçu ilə gücləndirib.

Klubdan "Report"a verilən məlumata görə, Naxçıvan təmsilçisi portuqaliyalı Nuno Migel Rodrigeslə anlaşıb.

Bu gün Azərbaycana gələn 29 yaşlı vinger tibbi müayinədən keçib və onunla 1 illik müqavilə imzalanıb.

Qeyd edək ki, Nuno Migel Rodriges son olaraq ölkəsində 2-ci liqada çıxış edən "Sportinq" (Kovilya) klubunun formasını geyinib.