Ayxan Abbasov: "Oyun baxımından heç kimdən geri qalmırıq"

Ayxan Abbasov: "Oyun baxımından heç kimdən geri qalmırıq" Son iki finalımıza hazır olmağa çalışacağıq
Futbol
154
14 May , 2021 21:27
Ayxan Abbasov: Oyun baxımından heç kimdən geri qalmırıq
Ayxan Abbasov

"Əlbəttə, uduzmaq istəməzdik. Son oyunadəl üstünlüyümüz qorumaq istəyirdik. Uzatma dəqiqəsində qol buraxmaq planda yox idi. Bir qol hər şeyi həll etdi. Son iki finalımıza hazır olmağa çalışacağıq".

"Report"un məlumatına görə, bunu "Sumqayıt" komandasının baş məşqçisi Ayxan Abbasov evdə "Neftçi"yə 0:1 hesabı ilə uduzduqları Azərbaycan Premyer Liqasının XVII tur matçından sonra mətbuat konfransında deyib.

40 yaşlı mütəxəssis bildirib ki, pətişanlığı oyuna görə deyil: "Bəzi məqamlar adama üzür. Oyunun yorğunluğu adamı üzür. Digər komandaların bizdən açıq-aşkar üstünlükləri var. Amma biz oyun baxımından heç kimdən geri qalmırıq. Sevinirik ki, "Neftçi" və "Qarabağ"la bərabər mübarizə aparırıq".

Son dəqiqədə "Neftçi"nin məşqçisi Seymur Rəhimovla "Sumqayıt"ın futbolçusu arasındakı gərginliyə də toxunan Abbasov feyr-pleyə və meydanın daxilindəkilərə düzgün reaksiya vermələrinin gərəkliyini vurğulayıb.

Son xəbərlər

Orphus sistemi