AVRO-2020: Bir avtoqolla 2 antirekord

İspaniya millisinin futbolçusu Pedrinin Xorvatiyaya qarşı AVRO-2020-nin 1/8 final mərhələsinin oyununda öz qapısına vurduğu qol 2 antirekordla yadda qalıb.

"Report"un məlumatına görə, bu, cari turnirdə 9-cu avtoqol olub. Bu göstərici indiyədək keçirilmiş bütün Avropa çempionatlarındakı avtoqol sayına bərabərdir.

Digər tərəfdən, bu, ispaniyalıların qitə turnirlərində öz qapılarından keçirdiyi ilk top kimi tarixə düşüb.

Qeyd edək ki, hazırda Xorvatiya - İspaniya matçında 2-ci hissə oynanılır və hesab bərabərdir - 1:1.