AVRO-2020: Bakıda Şenol Günəşə avtobus vasitəsilə ismarıc göndərildi

Futbol üzrə Avropa çempionatının iki oyununu Bakıda keçirmiş Türkiyə millisi İsveçrə ilə son matçdan əvvəl xoşagəlməz hadisələrlə üzləşib.

"Report"un məlumatına görə, "ay-ulduzlular"ın məskunlaşdığı "Fairmont" hotelinin qarşısındakı millinin avtobusu vasitəsi ilə baş məşqçi Şenol Günəşə ismarıc göndərilib. Üzərinə "Fənərbağça" düşməni Şenol Günəş" yazılan kağız avtobusa yerləşdirilib.

İsveçrə ilə oyunun son məşqində futbolçular arasında da insident yaşanıb. Hücumçular Halil Dervişoğlu ilə Enes Ünal məşqdə dava edib. Komanda yoldaşları hər iki oyunçunu sakitləşdirib. Dervişoğlu digər futbolçu Cengiz Ünderlə də mübahisəyə girib.

Qeyd edək ki, Türkiyə AVRO-2020-də A qrupunu xalsız başa vurub.