İspaniyanın "Atletiko" klubunun futbolçusu Dieqo Kosta zədələnib.
"Report" Madrid təmsilçisinin rəsmi saytına istinadən xəbər verir ki, 32 yaşlı hücumçu La Liqanın VI turunda "Selta"nı 2:0 hesabı ilə məğlub etdikləri matçda xəsarət alıb.
Təcrübəli oyunçunun əzələsində problem aşkarlanıb. Onun sağalma müddəti barədə məlumat verilməyib. Kostanın təxminən 3 həftə sonra yaşıl meydanlara qayıda biləcəyi ehtimal edilir.
Qeyd edək ki, "Atletiko" Çempionlar Liqasının qrup mərhələsinin ilk turunda Almaniyada "Bavariya"nın qonağı olacaq. Oktyabrın 21-də keçiriləcək qarşılaşma Bakı vaxtı ilə saat 23:00-da başlayacaq.