"Atletiko"nun futbolçusu "Çelsi"yə keçib

İngiltərənin "Çelsi" klubu heyətini daha bir futbolçu ilə gücləndirib.

"Report" London təmsilçisinin rəsmi saytına istinadən xəbər verir ki, İspaniyanın "Atletiko" (Madrid) komandasından Saul Niges bir illik icarəyə götürülüb.

"Zadəganlar" mövsümün sonunda 27 yaşlı yarımmüdafiəçini 40 milyon avroya transfer etmək hüququna malikdir.

Qeyd edək ki, Saul Niges ötən mövsüm "Atletiko"da 41 oyun keçirib və 2 qol vurub.