“Arsenal” Premyer Liqada birincilik şansını əldən verib

İngiltərə Premyer Liqasının 20-ci turunda "Fulhem" və "Arsenal" qarşılaşıb.

"Report"un məlumatına görə, komandalar Londondakı "Kreyven Kottec" stadionunda münasibətləri aydınlaşdırıblar.

"Fulhem" rəqibini 2:1 hesabı ilə məğlub edib.

Beşinci dəqiqədə Bukayo Saka “Arsenal”ı hesabda önə çıxarıb. 29-cu dəqiqədə “Fulhem”in hücumçusu Raul Ximenes hesabı bərabərləşdirib. 59-cu dəqiqədə isə Bobbi de Kordova-Rid “Fulhem”ə qələbə qazandıran qolu vurub - 2:1.

“Fulhem” 24 xalla turnir cədvəlində 13-cü pilləyə yüksəlib. Hesabında 40 xal olan “Arsenal” 4-cü pillədə qalıb. “Topçular” 2023-cü ili birinci yerdə başa vurmaq fürsətini qaçırıblar. Belə ki, hazırkı lider “Liverpul”un 42 xalı var.