İngiltərə Premyer Liqasında 2001-ci il təvəllüdlü futbolçu debüt edib

Futbol

02 yanvar, 2019
06:27

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 2 yanvar. REPORT.AZ/ London “Arsenal”ının yarımmüdafiəçisi Bukayo Saka İngiltərə Premyer Liqasında debüt edən ilk 2001-ci il təvəllüdlü futbolçu olub.

“Report” xəbər verir ki, ötən il sentyabrın 5-də 17 yaşı tamam olan Nigeriya əsilli ingiltərəli oyunçu “topçular”ın XXI turda “Fulhem”i 4:1 hesabı ilə məğlub etdiyi matçda forma geyinib. O, 83-cü dəqiqədə Aleks İvobinin əvəzinə meydana çıxıb.

Qeyd edək ki, Saka cari mövsümdə “Arsenal”ın U-23 komandasının heyətində 12 görüşdə iştirak edib. O, 2 qol və 3 məhsuldar ötürmə ilə yadda qalıb.

“Arsenal” hazırda 41 xalla Premyer Liqada 5-ci pillədə qərarlaşıb.