"Arsenal"ın futbolçusu: "Oyundan əvvəl Bakıda məşq etməyimizin böyük xeyri olar"

Bakı. 3 oktyabr. REPORT.AZ/ "Oyundan əvvəl Bakıda məşq etməyimizin böyük xeyri olar. Çünki bu meydançada oynayacağıq. Bu, matça hazırlıq baxımından əhəmiyyətlidir". 

“Report” xəbər verir ki, bunu İngiltərənin “Arsenal” komandasının futbolçusu Aleks İvobi Avropa Liqasının qrup mərhələsinin II turunda “Qarabağ”la səfər oyunundan öncə deyib. 

22 yaşlı nigeriyalı hücumçu Bakı Olimpiya Stadionunda təşkil edilən mətbuat konfransında bildirib ki, onlar üçün bütün turnirlər əhəmiyyətlidir: “Hər bir turnirin öz yeri var. Bu mövsüm mənə azadlıq verilib. Bu da bitiricilik keyfiyyətlərimi ortaya qoymağa kömək edir”.

Qeyd edək ki, oktyabrın 4-də Bakı Olimpiya Stadionunda baş tutacaq oyun saat 20:55-də start götürəcək.