İngiltərənin "Arsenal" klubunun futbolçusu Qabriel Maqalyaynsın koronavirus testi müsbət çıxıb.
"Report"un "topçular"ın rəsmi saytına istinadən məlumatına görə, müdafiəçi özünü təcrid edib.
Digər oyunçulara gəldikdə, Tomas Partey zədədən bərpa prosesini davam etdirir, David Luis və Villian isə dekabrın 31-də kollektiv məşqlərə qoşulacaq.
Daha əvvəl COVID-19 üzündən Premyer Liqada XVI turun "Everton" - "Mançester Siti" matçı təxirə salınıb.
Qeyd edək ki, "Arsenal" bu gün "Brayton"un qonağı olacaq. Hazırda "kanonirlər" 15 oyundan 17 xalla 15-ci yerdə qərarlaşıb.