Argentinalı hücumçu: "Messi MLS-ə gəlsə, ayaqlarından öpəcəyəm"

ABŞ-ın "Dallas" klubunun futbolçusu Franko Jara İspaniya "Barselona"sının kapitanı Lionel Messinin MLS-ə (Əsas Futbol Liqası) mümkün transferindən danışıb.

"Report"un məlumatına görə, argentinalı hücumçu "90min" nəşrinə müsahibəsində bu xəbərə maraqlı reaksiya verib.

33 yaşlı forvard bildirib ki, həmyerlisi ABŞ çempionatına gəlsə, onun ayaqlarından öpəcək.

Qeyd edək ki, Lionel Messinin "Barselona" ilə müqaviləsi cari mövsümün sonunda başa çatacaq. Onunla MLS təmsilçisi "Los-Anceles Qelaksi" yaxından maraqlanır.