Afrikalı hücumçu "Qalatasaray"la vidalaşdı - RƏSMİ

Türkiyənin "Qalatasaray" klubu nigeriyalı futbolçu Henri Onyekuru ilə yollarını ayırıb.

"Report" xəbər verir ki, bu barədə 24 yaşlı hücumçu özünün sosial şəbəkə hesabında paylaşım edib.

Komandanın baş məşqçisi Fatih Terimlə fotosunu paylaşan forvard "Hər şey üçün təşəkkürlər və uğurlar" yazıb.

Qeyd edək ki, müqavilə ilə Fransa "Monako"suna məxsus olan Henri Onyekuru bu ilin yanvarında "Qalatasaray"a keçmişdi. O, daha əvvəl 2018-2019 mövsümündə və 2020-ci ildə İstanbul klubunda icarə əsasında çıxış edib.