AFFA-nın inkişaf strategiyasının layihəsi ictimaiyyətə açıqlanıb

AFFA-nın inkişaf strategiyasının layihəsi ictimaiyyətə açıqlanıb.

"Report" xəbər verir ki, bu barədə milli assosiasiyanın rəsmi saytı məlumat yayıb.

Bildirilib ki, qurum tərəfindən 2024-cü ilin avqust ayında strategiyanın yazılışına başlanarkən ictimaiyyətə müraciət olunub və rəylər toplanıb.

"Son olaraq strategiyanın layihəsinə rəy və təkliflərinizi 2025-ci il yanvarın 13-ü, saat 12:00-a qədər bildirə bilərsiniz. Təqdim olunacaq rəylər nəzərə alındıqdan sonra strategiyanın yekun versiyası ictimaiyyətlə paylaşılacaq. Təkliflərinizi göstərilən tarixə qədər aşağıda qeyd olunan link və ya e-mail ([email protected]) vasitələri ilə bildirə bilərsiniz", - deyə paylaşımda qeyd olunub.

Qeyd edək ki, AFFA-nın inkişaf strategiyasının layihəsi qurumun rəsmi saytında yerləşdirilib.