ABŞ klubu argentinalı baş məşqçini qovdu

ABŞ-ın MLS çempionatında çıxış edən "Los-Anceles Qelaksi" komandası baş məşqçisi Gilerme Barros Skelotto ilə yollarını ayırıb.

"Report" yarışın rəsmi saytına istinadən xəbər verir ki, 48 yaşlı argentinalı mütəxəssis istefaya göndərilib. 2020 mövsümünün sonuna qədər komandada baş məşqçi vəzifəsini Dominik Kinnir yerinə yetirəcək.

Qeyd edək ki, "Los-Anceles Qelaksi" cari mövsüm MLS-də 5 qələbə, 11 məğlubiyyət və 3 heç-heçə əldə edə bilib. Komanda 18 xalla sonuncu pillədədir.