Abbas Hüseynov: "Millətlər Liqası matçlarında qələbə qazanmaq istəyirik"

"Qarşıdakı oyunlarda qələbə qazanmaq istəyirik".

Bunu "Report"a müsahibəsində Azərbaycan millisinin futbolçusu Abbas Hüseynov iyunda UEFA Millətlər Liqasında keçirəcəkləri 4 matç barədə danışarkən deyib.

27 yaşlı müdafiəçi əllərindən gələnin ən yaxşısını etməyə çalışacaqlarını bildirib: "Klublarda hər oyuna necə motivasiya ilə çıxırıqsa, yığmadakı matçlar da elə olacaq".

Qeyd edək ki, iyunun 3-də Qazaxıstanın, iyunun 6-da Belarusun qonağı olacaq Azərbaycan yığması iyunun 10-da Slovakiyanı, 3 gün sonra isə Belarusu qəbul edəcək.

Abbas Hüseynovun müsahibəsinin tam versiyasını buradan oxuya bilərsiniz.