2021-ci ilin ən yaxşı klub baş məşqçisi açıqlanıb

Beynəlxalq Futbol Tarixi və Statistikaları Federasiyası (IFFHS) 2021-ci ilin ən yaxşı klub baş məşqçisini açıqlayıb.

"Report"un məlumatına görə, bu ada İngiltərənin "Çelsi" komandasına rəhbərlik edən Tomas Tuxel layiq görülüb.

48 yaşlı almaniyalı mütəxəssis 230 xalla bütün rəqiblərini qabaqlayıb.

İngiltərə "Mançester Siti"sindən Xosep Qvardiola 55 xalla ikinci, Almaniya "Bavariya"sından Hans-Diter Flik 25 xalla üçüncü, İspaniya "Vilyarreal"ından Unay Emeri 15 xalla dördüncü, İspaniyanın "Atletiko" (Madrid) komandasından Dieqo Simeone 10 xalla 5-ci olub.