Verstappen Formula 1 Avstriya Qran Prisində sprint yarışda qalib olub

“Red Bull” komandasının niderlandlı nümayəndəsi Maks Ferstappen doqquzuncu mərhələdə - Formula 1 dünya çempionatının Avstriya Qran Prisində sprintin qalibi olub.

"Report" xəbər verir ki, ikinci yeri onun komanda yoldaşı meksikalı Serxio Peres tutub. “Ferrari” komandasının ispaniyalı pilotu Karlos Sayns üçüncü olub.

Bu mövsüm sprint əsas yarış üçün təsnifat deyil.

Dünya çempionatı cədvəlindəki xalları sprint yarışın sonunda ilk səkkiz yeri tutan idmançılar alır. Qalib səkkiz xal qazanır, səkkizinci olan bir xal qazanır. Verstappen bazar günü yarışa vəsiqə qazanıb.