Norris Monako Qran-prisinin qalibi olub

"McLaren" komandasının pilotu Lando Norris "Formula 1" üzrə Monako Qran-prisinin qalibi olub.

"Report" xəbər verir ki, ikinci yerdə "Ferrari"dən monakolu Şarl Lekler finiş xəttini keçib. İlk "üçlüy"ü "McLaren"də çıxış edən avstraliyalı Oskar Piastri tamamlayıb.

Piastri pilotların sıralamasında liderliyi davam etdirir (161 xal). "Üçlük"də Norris (158) və niderlandlı Maks Ferstappen (136) də yer alır. "McLaren" Konstruktorlar Kubokunda birinci yeri tutur (319). Liderin əsas təqibçiləri "Mercedes" (147), "Red Bull" (143) və "Ferrari"dir (142).

Növbəti mərhələ 30 may - 1 iyun tarixlərində Barselonada keçiriləcək.