“McLaren”in direktoru: “Bizim üçün mövsüm Bakıda başlayacaq”

“McLaren” üçün mövsüm Bakıda başlayacaq”.

“Report” xəbər verir ki, bunu “McLaren” komandasının direktoru Andrea Stella “Formula 1” üzrə dünya çempionatının Azərbaycan Qran Prisi ilə bağlı hədəfləri barədə danışarkən deyib.

O bildirib ki, Bakıda sprint yarışının keçirilməsindən narahat deyillər: “Mövsümün əvvəlində uğursuz keçirdiyimiz mürəkkəb mərhələlərdən sonra ilk xallarımızı Avstraliyada qazandıq. Bilirik ki, mövsümün Bakıdakı mərhələsinə yeniliklərlə başlayacağıq. Uğurlu çıxış üçün ilk addımı atmaq istəyirik. Hətta ilk dəfə sprint yarışının təşkili də bizi narahat etmir”.

Qeyd edək ki, Azərbaycan Qran Prisi 28-30 aprel aralığında keçiriləcək.