"Formula 1": "Red Bull" pilotu ilə müqavilənin müddətini uzadacaq

"Formula 1" üzrə dünya çempionatında çıxış edən "Red Bull" komandası pilotu Serxio Peres ilə müqavilənin müddətini uzadacaq.

"Report" "Bild" nəşrinə istinadən xəbər verir ki, tərəflər yeni sözləşmə ilə bağlı razılığa gəliblər.

Son detallar mayın sonunda baş tutan Monako Qran-prisindən əvvəl həll olunub. Yeni müqavilənin "1+1" illik olacağı bildirilib.

Qeyd edək ki, Peres hazırda 107 xalla sürücülərin ümumi sıralamasında beşinci pillədə qərarlaşıb. Onun komanda yoldaşı Maks Ferstappen 169 xalla liderdir.

Xatırladaq ki, cari mövsümdə Azərbaycan Qran-prisi sentyabrın 13-15-də baş tutacaq.