"Formula 1": Maks Ferstappen Bakıya əsas rəqibi ilə birlikdə gəlib

"Red Bull" pilotu Maks Ferstappen Bakıya "Formula 1"dəki rəqibləri ilə birlikdə gəlib.

"Report"un məlumatına görə, təcrübəli niderlandlı sürücü bununla bağlı sosial şəbəkə hesabında foto paylaşıb.

O, Azərbaycan Qran-prisində iştirak etmək üçün Lando Norris ("McLaren") və Niko Hulkenberq ("Haas") ilə paytaxtımıza gəlib.

Qeyd edək ki, Norris cari mövsümdə Ferstappenin əsas rəqibi hesab edilir. Niderlandlı pilot sona 8 mərhələ qalmış 303 xalla liderdir. Norris isə 241 xalla ikinci pillədə qərarlaşıb.