Ferstappen Braziliya Qran Prisində sprint yarışının qalibi olub

“Red Bull” komandasının niderlandlı pilotu Maks Ferstappen “Formula 1” dünya çempionatının 20-ci mərhələsində - Braziliya Qran Prisində sprint yarışının qalibi olub.

“Report”un məlumatına görə, yarış San Pauluda keçirilib.

İkinci yeri “McLaren” komandasının üzvü, britaniyalı Lando Norris tutub.

İlk "üçlüy"ü "Red Bull"dan Serxio Peres tamamlayıb.

Qeyd edək ki, Ferstappen vaxtından əvvəl dünya çempionatında qələbəsini təmin edib.