Yuxarı
    Bağlamaq

    Zabit Səmədov Qroznıda muay-tay üzrə dünya çempionu titulu uğrunda Katalin Moroşanu ilə döyüşəcək - VİDEO

    Azərbaycanlı K-1 döyüşçüsü Zabit Səmədov Çeçenistanın ilk prezidentinin xatirəsinə həsr olunmuş peşəkar kikboksinq turnirdə iştirak edəcək

    Bakı. 27 iyul. REPORT.AZ/ Azərbaycanlı K-1 döyüşçüsü Zabit Səmədov Çeçenistanın ilk prezidenti Əhməd-Hacı Kadırovun xatirəsinə həsr olunmuş peşəkar kikboksinq turnirdə iştirak edəcək.

    "Report" xəbər verir ki, turnir avqustun 23-də "Kolizey" idman sarayında keçiriləcək.

    "WBC Muay Thai" versiyası üzrə dünya çempionu titulu uğrunda döyüşdə rəqibim məşhur rumın döyüşçü Katalin Moroşanu olacaq", - deyə Z.Səmədov bildirib.

    O, hazırda yarışa ciddi hazırlaşdığını da sözlərinə əlavə edib.

    "Hazırda Bolqarıstanda təlim-məşq toplanışındayam. Məşqlər təxminən üç həftə davam edəcək", - deyə idmançı vurğulayıb.

    Onu da qeyd edək ki, hazırda Z.Səmədov "Axmat" kikboksinq klubuna rəhbərlik edir.

    "Təlim-məşq toplanışında mənimlə klubun turnirdə yarışacaq bütün heyəti məşq edir", - deyə azərbaycanlı döyüşçü bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi