"Yuventus"un futbolçusu protokolu pozduğu üçün millidən kənarlaşdırılıb

İtaliyanın "Yuventus" klubunda çıxış edən futbolçu Ueston Makkenni ABŞ yığmasının düşərgəsindən kənarlaşdırılıb.

"Report" ESPN-ə istinadən xəbər verir ki, 23 yaşlı yarımmüdafiəçi bir neçə dəfə koronavirusla bağlı tətbiq olunan tibbi təhlükəsizlik protokolunu pozub.

Makkeni naməlum şəxsi ABŞ millisinin karantin zonasına dəvət edib və üzürlü səbəb olmadan düşərgədən ayrılıb. O, sentyabrın 9-da Hondurasa qarşı DÇ-2022-nin seçmə oyununu buraxacaq.

Qeyd edək ki, 2017-ci ildən ABŞ millisində oynayan Ueston Makkenni 25 matçda 7 qol vurub.