"World Masters": Azərbaycanın iki cüdoçusu finalda

"World Masters": Azərbaycanın iki cüdoçusu finalda Azərbaycanın cüdoçusu Zelim Kotsoyev Qətərin paytaxtı Dohada keçirilən "World Masters” turnirində finala yüksəlib.
Fərdi
504
13 Yanvar , 2021 15:27
World Masters: Azərbaycanın iki cüdoçusu finalda

Azərbaycanın qadın cüdoçusu İrina Kindzerska Qətərin paytaxtı Dohada keçirilən "World Masters” turnirində yarımfinal görüşünə çıxıb.

"Report" xəbər verir ki, 78 kq-dan yuxarı çəki dərəcəsində çıxış edən idmançı bu mərhələdə kamerunlu Hortens Vanessa Mballa Atanqana ilə üz-üzə gəlib.

Rəqibini məğlub edən Kindzerska finala yüksəlib. O, həlledici görüşdə fransalı Romana Dikkonu sınağa çəkəcək.

Qeyd edək ki, daha əvvəl kişi cüdoçu Zelim Kotsoyev 100 kq çəki dərəcəsində finala yüksəlib. Həlledici görüşdə onun rəqibi Varlam Liparteliani (Gürcüstan) olacaq.

15:00

Azərbaycan cüdoçusu Zelim Kotsoyev Qətərin paytaxtı Dohada keçirilən "World Masters” turnirində finala yüksəlib.

"Report" xəbər verir ki, 100 kq çəki dərəcəsində mübarizə aparan idmançı ilk3 görüşündə Ramazan Dərviş (Misir), Quham Ço (Cənubi Koreya) və Şadi Elnahası (Kanada) məğlub edib.

Yarımfinalda isə Kotsoyev Simeon Katharinanı (Niderland) qızıl xalla üstələməyi bacarıb.

Eyni çəkidəki Elmar Qasımov Rafael Buzakariniyə (Braziliya) qalib gəlsə də, Peter Paltçikin (İsrail) müqavimətini qıra bilməyib.

Qadınların yarışında 78 kq-dan yuxarı çəki dərəcəsində İrina Kindzerska yarışa 1/8 finaldan qoşulub və Jasmin Qrabovski (Almaniya) ilə Hayun Kimdən (Cənubi Koreya) güclü olub. O, yarımfinalda kamerunlu Hortens Vanessa Mballa Atanqana ilə üz-üzə gələcək.

Qeyd edək ki, yanvarın 11-də Azərbaycanın 4 cüdoçusu mübarizə aparsa da, heç biri medal qazana bilməyib.

Son xəbərlər

Orphus sistemi