Ukraynanın məşhur atleti İtaliyada öldü

Ukraynanın məşhur atleti Yuliya Ptaşnik İtaliyada vəfat edib. 

"Report" Ukrayna Atletika Federsiyasının rəsmi saytına istinadən xəbər verir ki, idmançı 30 yaşında dünyasını dəyişib. O, "Prikarpatye"nin sabiq futbolçusu, hazırda klubun uşaq komandasında məşqçi kimi çalışan Sergey Ptaşnikin qızıdır. 

Bir neçə ildir Neapol şəhərində yaşayan atlet xroniki xəstəliyi ilə əlaqədar İtaliyada müalicə olunurdu. Onun bir oğlu qalıb.