Ukraynanın daha iki məşhur idmançısı müharibəyə qoşulub

Ukraynanın boks üzrə sabiq dünya çempionları Sergey Dzinziruk və Andrey Kotelnik Rusiyaya qarşı müharibədə ölkəsinin müdafiəsinə qalxıb.

"Report" xəbər verir ki, bu barədə keçmiş idmançılar instaqram hesablarında paylaşımlar ediblər.

Qeyd edək ki, Andrey Kotelnik 2000-ci il Sidney Yay Olimpiya Oyunlarında gümüş medal qazanıb. Daha əvvəl Moldovanın "Şerif" klubunun baş məşqçisi Yuri Vernidub və ölkənin məşhur boksçusu Aleksandr Usik də bu addımı atıb.