Ukraynalı 4 qat paralimpiya çempionu 33 yaşında vəfat edib

Ukraynanın paralimpiya çempionu Denis Dubrov dünyasını dəyişib.

"Report" xəbər verir ki, bu barədə Dnepr Üzgüçülük Federasiyası məlumat yayıb.

33 yaşlı üzgüçünün ölümünün səbəbləri hələlik bəlli deyil.

Qeyd edək ki, Denis Dubrov Rio-2016 Yay Paralimpiya Oyunlarında 3, Tokio-2020-də isə 1 qızıl medal qazanıb. O, ümumilikdə paralimpiadalarda 11 mükafata sahib çıxıb.