Tokio-2020: İranlı güləşçi cəzalandırıla bilər

İranın sərbəst güləşçisi Həsən Yazdani Tokio-2020 Yay Olimpiya Oyunlarındakı davranışına görə cəzalana bilər.

"Report" xəbər verir ki, 86 kq çəki dərəcəsindəki final görüşündə ABŞ təmsilçisi Devid Teylora uduzan 27 yaşlı idmançı emosiyalarını cilovlaya bilməyib.

Görüş başa çatdıqdan sonra aqressiv şəkildə güləşçilərin isinmə hərəkətləri etdiyi zonaya yaxınlaşan Yazdani qışqıraraq, üzərindəki inventarları ətrafa atıb. Daha sonra isə divarı yumruqlayıb.