Tokio-2020: Azərbaycanın iki güləşçisinin ilk rəqibi bəlli olub

Tokio-2020: Azərbaycanın iki güləşçisinin ilk rəqibi bəlli olub Sabah Olimpiadada iki güləşçimiz mübarizəyə start verəcək
Fərdi
1564
1 Avqust , 2021 09:10
Tokio-2020: Azərbaycanın iki güləşçisinin ilk rəqibi bəlli olub
Rafiq Hüseynov və Elis Manolova

Avqustun 2-də Tokio-2020 Yay Olimpiya Oyunlarında Azərbaycanın iki güləşçisi mübarizəyə start verəcək.

"Report"un məlumatına görə, yunan-Roma güləşində Rafiq Hüseynov (77 kq), qadın güləşində isə Elis Manolova (68 kq) xalça üzərinə çıxacaq.

Bu gün keçirilən püşkatma mərasimində onların ilk rəqibləri müəyyənləşib. Hüseynov 1/8 finalda dünya ikincisi və Avropa üçüncüsü isveçli Aleks Kessidislə qarşılaşacaq. Görüş A xalçasında keçiriləcək. Avropa çempionu rəqibinə qalib gəlsə, 1/4 finalda Lamjed Maafi (Tunis) - Akjol Mahmudov (Qırğızıstan) cütünün qalibi ilə qarşılaşacaq.

Manolova isə ilk mərhələdə nigeriyalı Blessinq Oborududu ilə münasibətləri aydınlaşdıracaq. Qarşılaşma B xalçasında baş tutacaq. O, 1/4 finala yüksəlsə, Meerim Jumanazarova (Qırğızıstan) - Mimi Xristova (Bolqarıstan) duelinin güclüsü ilə görüşəcək.

Qeyd edək ki, bu çəkilərdə ilk görüşlər Bakı vaxtı ilə saat 6:30-da başlayacaq.

Son xəbərlər

Orphus sistemi