Tbilisidə medal qazanmış cüdoçumuz: "Rəqiblərimin hamısı güclü idi"

"Asan rəqibim olmadı, hamısı güclü idmançılar idi".

Bunu “Report”un Gürcüstan bürosuna açıqlamasında Tbilisidə keçirilən Böyük Dəbilqədə bürünc medal qazanmış Elcan Hacıyev deyib.

İdmançı özümə çox güvəndiyini bildirib: "Özümə çox inanırdım və bu da mənə müsbət enerji verirdi. Üçüncü yeri tutmağıma çox sevinirəm".

Cüdoçu Ekvadorda keçiriləcək dünya çempionatında Azərbaycan bayrağını bir daha yüksəklərə qaldıracağına ümid etdiyini vurğulayıb.

Qeyd edək ki, Hacıyevin rəqibi İtaliya təmsilçisi Titsiano Falkone olub. Azərbaycanlı cüdoçu rəqibini 37 saniyəyə məğlub edib.