Tayson Fyuri Usiklə döyüşmək üçün 125 milyon funt sterlinq tələb edib

Ümumdünya Boks Şurasının (WBC) ağır çəkidə britaniyalı çempionu Tayson Fyuri rinqə qayıdışının qiymətini açıqlayıb.

"Report" "The Sun" nəşrinə istinadən xəbər verir ki, 34 yaşlı döyüşçü ukraynalı Aleksandr Usiklə döyüşmək üçün 125 milyon funt sterlinq tələb edib.

Görüşün bu ilin dekabrında Səudiyyə Ərəbistanında baş tutacağı gözlənilir. Fyuri və Usik ağır çəkidə dünya çempionu adı uğrunda mübarizə apara bilər.

Britaniyalı idmançı WBC, ukraynalı döyüşçü isə WBA (Ümumdünya Boks Asssosiasiyası), WBO (Ümumdünya Boks Təşkilatı) və IBF (Beynəlxalq Boks Federasiyası) titullarına sahibdir.