Yuxarı

Taekvondo üzrə Azərbaycan çempionatının birinci günündə dörd idmançı qalib olub

Qalib idmançılar diplom və medallarla təltif edilib

Bakı. 25 dekabr. REPORT.AZ/ "Sərhədçi" Olimpiya İdman Mərkəzində keçirilən böyüklər arasında taekvondo üzrə Azərbaycan çempionatının birinci gününün qalibləri məlum olub.

Azərbaycan Taekvondo Federasiyasının (ATF), Gənclər və İdman Nazirliyinin birgə təşkil etdiyi yarışda kişilərin mübarizəsində Məcid Sofiyev (54), Maqomedyasin İbraqimov (63 kq) və Bayraməli Vəliyev (87 kq), qadınlar arasında isə Fəridə Əzizova (67 kq) fəxri kürsünün ən yüksək pilləsinə qalxıblar.

Qalib idmançılar diplom və medallarla təltif edilib.

Çempionatda paytaxtda və bölgələrdə fəaliyyət göstərən müxtəlif komandaların idmançıları mübarizə aparırlar.

Yarış ölkəmizdə taekvondonun təbliği və inkişaf etdirilməsi, respublikada fəaliyyət göstərən taekvondo bölmələrinin işinin təkmilləşdirilməsi, yığma komandaların tərkibinin müəyyənləşdirilməsi, idmançıların yarış təcrübəsinin və ustalığının artırılması məqsədini daşıyır.

Üç gün davam edəcək yarışda səkkiz çəki dərəcəsi üzrə kişi və qadın taekvondoçular yarışırlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi