Bakı. 27 aprel. REPORT.AZ/ Mərhum qrossmeyster Vüqar Həşimovun xatirəsinə həsr olunmuş "ShamkirChess 2018" superturnirində VIII turun görüşlərində ilk heç-heçə qeydə alınıb.
"Report"un məlumatına görə, Azərbaycan şahmatçısı Teymur Rəcəbov ağ fiqurlarla rusiyalı Sergey Karyakinlə "sülh" bağlayıb. Görüş 40-cı gedişdə yekunlaşıb. Hazırda Veselin Topalov (Bolqarıstan) - Radoslav Voytaşek (Polşa), Aniş Giri (Hollandiya) - Maqnus Karlsen (Norveç), Dinq Liren (Çin) - Rauf Məmmədov (Azərbaycan) və Şəhriyar Məmmədyarov (Azərbaycan) - David Navara (Çexiya) görüşləri davam edir.
Qeyd edək ki, Teymur Rəcəbovun əvvəlki 7 oyunu da heç-heçə ilə yekunlaşıb.