Serena Uilyams "US Open" turnirinin finalında uduzub

Bakı. 9 sentyabr. REPORT.AZ/ "US Open" turnirinin finalı oyunu keçirilib.

"Report"un məlumatına görə, mükafat fondu 53 milyon dollar olan turnirin son oyununda yaponiyalı tennisçi Naomi Osaka amerikalı rəqibi Serena Uilyamsla üz-üzə gəlib.

Qarşılaşma Naomi Osakanın 6:2 və 6:4 hesablı qələbəsi ilə başa çatıb. Matç qalmaqalsız ötüşməyib. Oyunun gedişində Serena Uilyams bir neçə xəbərdarlıq alıb. O, bir neçə dəfə hakimi təhqir edib. Eləcə də digər qayda pozuntularına yol verib.