Şəhriyar Məmmədyarov "Tata Steel Chess"in VIII turunda məğlub olub

Bakı. 22 yanvar. REPORT.AZ/ Azərbaycan şahmatçısı Şəhriyar Məmmədyarov Hollandiyanın Veyk-an-Zee şəhərində keçirilən "Tata Steel Chess" turnirinin növbəti turunda məğlub olub.

"Report"un məlumatına görə, 33 yaşlı qrossmeyster VIII turda qara fiqurlarla hollandiyalı Aniş Giriyə qarşı oynayıb.

8 turdan sonra vəziyyət bu şəkildədir:

1-3. Şəhriyar Məmmədyarov, Maqnus Karlsen, Aniş Giri — 5,5.

4-5. Vladimir Kramnik, Uesli So — 5.

6-7. Vişvanatan Anand, Sergey Karyakin — 4,5.

8-9. Maksim Matlakov, Petr Svidler — 4.

10. Qaveyn Cons — 3,5.

11-12. Vey İ, Fabiano Karuana — 3.

13. Başkaran Adxiban – 2.

14. Hou İfan — 1.